РУСКИ КЕРЕСТУР – Прешлей роботней соботи за школярох Основней и штреднєй школи „Петро Кузмяк” у катедралней церкви св. Оца Миколая орґанизована заєднїцка годзина виронауки и гражданского воспитаня хтора була пошвецена Библиї на руским язику.
О тей теми, Библиї вообще, а поготов о вирским и културним значеню нєдавно обявеней Библиї на руским язику, бешедовал єден з єй прекладательох др Янко Рамач шеф Оддзелєня за русинистику на Филозофским факултету у Новим Садзе.
Присутни були школяре од другей класи основней школи по ґимназиялцох, зоз своїма учительками и наставнїками, керестурски парох о. Михайло Малацко, а годзину орґанизовали вироучителька Златица Малацко и наставнїца гражданского Татяна Колесар.