ДЮРДЬОВ – Од нєшка годно превжац, лєбо ище купиц, уходнїци за традицийни Бал широких сукньох, хтори будзе на соботу, 7. фебруара у просторийох КУД „Тарас Шевченко” у Дюрдьове кажди роботни дзень. Уходнїци годно купиц у просторийох КУД од 19 до 20 годзин
Як Рутенпрес дознава од орґанизатора – спомнутого дюрдьовского КУД, шлєбодни места за Бал остало барз мало, бо векшина уходнїцох предата такой после пущаня до предаваня.
Як и дотераз, за дзивки и жени котри приду пооблєкаани до шветочних руских сукньох уход задармо, а за других уходнїца 1 200 динари. Попуст маю члени дюрдьовского КУД „Тарас Шевченко”, та за нїх уходнїца 600 динари.
Вецей информациї мож достац при предсидательови Дружтва Миколови Кухарови, на тел. 065 838 60 44.