НОВИ САД – Покраїнски секретар за польопривреду, водопривреду и лєсарство Бранислав Боґарошки вчера уручел 106 контракти хасновательом котрим одобрени безповратни средства за пластенїки и дзвиганє процивкаменцових мрежох.
З тей нагоди Боґарошки гварел же з подписованьом контрактох закончени тогорочни циклус у рамикох програми за продукцию у пластенїкох и за процивкаменцово мрежи.
– Дакус нам хиби же бизме мали 1 000 гектари под процивкаменцову защиту. За нїх дати 18 контракти, вредни 50 милиони динари, а 88 польопривреднїки за пластенїки того року достали вєдно 22 милиони динари – гварел Боґарошки.
За тогорочни конкурс було векше интересованє як скорей, вироятно пре вименки у способе конкурованя, гварел Боґарошки.