НОВИ САД – Економски розвой то єден з главних приоритетох Покраїнского секретарияту за реґионални розвой, медзиреґионалне сотруднїцтво и локалну самоуправу, та ше убудуце будзе инсистовац на пририхтованю проєктох, гварел ресорни секретар Оґнєн Бєлич.
– Будземе ше намагац мотивовац представительох локалних самоуправох же би пририхтовали проєкти и участвовали у програмох едукациї як цо тот – гварел Бєлич на додзельованю сертификатох за закончену програму „Европски интеґрациї и змоцньованє конкурентносци сектору микро, малих и штреднїх подприємствох и поднїмательох – Пририхтай ше за европске тарґовище” 6. юлия у Городзе Нови Сад.
У наиходзацим периодзе ше будзе робиц на тим же би кажда локална самоуправа у Войводини мала дзешец проєкти, цо значи 450 проєкти на уровню покраїни. После того шлїдзи обезпечованє условийох за шлєбодни економски розвой.