БЕОҐРАД/ГОРҐОШ – По даскелїх дньох, вчера ознова оможлївени путнїцки и терховни транспорт прейґ гранїчного преходу Горґош 1, хтори символично отворели министер нукашнїх дїлох Сербиї Небойша Стефанович и його колеґа з Мадярскей Шандор Пинтер.
Як сообщела Управа гранїчней полициї Сербиї, ситуация на гранїцох з Горватску и Мадярску нє пременєна. Гранїчни преходи з Мадярску Келебия и Бачки Брег за путнїцки транспорт отворени 24 годзини, а на преход ше чека од 15 до 30 минути, док терховни превозки на Келебиї чекаю и по даскельо годзини.
На Баймоку, Дяли и Бачких Виноґрадох преходи отворени од 7 до 19 годзин, а прейсц можу державянє Сербиї, Европскей униї, Швайцарскей, Норвежскей и Ирскей.
До Горватскей мож войсц лєм прейґ гранїчного преходу Батровци, а ситуация иста як на Келебиї – путнїцки превозки чекаю до 30 минути, а терховни по вецей годзини.