БЕОҐРАД – Вчера отримана перша схадзка Одбору за провадзенє IPARD II програми, хтора польопривреднїком того року обезпечи 35 милиони еври. Перши конкурси з тей програми буду розписани у другей половки рока, пише Танюґ.
Министерка польопривреди и защити животного штредку Снежана Боґосавлєвич Бошкович отворела схадзку и з тей нагоди гварела же прейґ тей програми по 2020. рок Сербия годна достац 175 милиони еври.
Помоцнїк министерки польопривреди Драґан Миркович потолковал же польопривреднїки сами буду финансовац свойо инвестициї, а потим буду доставац рефундованє 60 до 70 одсто.
З доставаньом статусу кандидата за членство у Европскей униї Сербия достала и можлївосц хаснованя предприступних фондох ЕУ за рурални розвой, односно з IPARD програми.