НОВИ САД – До Скупштини Городу Нови Сад урядово придата инициятива 46 одборнїкох з владаюцей векшини за змену предсидателя Скупштини Синишу Севича. Кед же вон у чаше од 14 днї нє закаже схадзку на хторей ше будзе розправяц о тей вимоги, закаже ю подпредсидатель Скупштини Городу Мирослав Илич, пишу РТВ и 021.
Севич пред даскельо мешацами бул у зраженю з чолнима людзми з СПС на уровню Покраїни, после чого розпущени Городски одбор СПС, на чиїм чолє бул Севич. То приведло до формованя новей Одборнїцкей ґрупи „За Нови Сад“, у хторей ше находза представителє ПУПС, Єдинственей Сербиї, ДСС и Новосадского демократского руху. Севич з даскелїма одборнїками основал свою ґрупу, хтора твердзи же представя СПС.
И Одборнїцка ґрупа „За Нови Сад“ и ґрупа коло Севича потримую городску власц, односно СНС. Кед придзе до Севичового зменьованя, будзе ше виберац нови предсидатель Скупштини Городу Нови Сад.