У дзевятим тогорочним чишлє „Руского слова”, у фокусу рубрики „Тижньовнїк” активносци Националного совиту Руснацох. Приношиме звит зоз схадзки Совиту на хторей прилапени нови, зменшани финансийни план. Найзначнєйше же зменшани буджет нє загрожи активносци фахових целох Националного совиту, хтори задлужени за обласци меншинскей културней автономиї. У тим контексту, Одбор за образованє одредзел приоритети за 2016. рок, хтори буду у подобним обсягу як и влонї.
На бокох „Тижньовнїка” и текст о нащиви делеґациї Руснацох Прешовскому самоуправному краю у Словацкей, после хторей мож обчековац конкретни заєднїцки проєкти и активносци у обласци култури.
О тих и других темох читайце у новим, 9. чишлє новинох „Руске слово”.
