КОЦУР – У дворе Пелетовей сали у Коцуре на нєдзелю, 25. септембра, будзе отримане замаганє у вареню ловарского паприґашу у котлїку. Манифестацию 11. раз орґанизує Ловарске здруженє „Сокол” з Коцура. Заинтересовани екипи за змаганє ше можу приявиц ище ютре, а уплата по екипи 4 000 динари.
За варенє паприґашу орґанизатор обезпечує 3,5 кґ меса, цибулю, хлєб, шалату и древо на огень, а екипи можу принєсц и ґаз. Присмачки тиж приноши екипа. Главни кухар у каждей екипи достанє маїцу, а за три найлєпше пласовани екипи обезпечени награди.
Сход екипох од 9,30 до 10 г., паприґаш ше будзе вариц до 13,30 г., после чого шлїдзи преглашованє найлєпших.
Орґанизаторе ґарантую добре друженє и з музику тамбурашох, а за додатни информациї мож волац на телефон 062/789-501.