КУЛА – На виберанкох за Народну скупштину Републики Сербиї у кулскей општини внєдзелю гласали 21 529 вибераче, лєбо 58,74 одсто з 36 650 уписаних до виберацкого списку. Нєважаци лїстки було 665, а спрам нєурядових резултатох, и за найвисши уровень власци гражданє кулскей општини найвецей гласи дали лїстини Сербскей напредней странки „Алексдандар Вучич-Сербия победзує” – 10 454, цо 48,56 одсто.
По числу гласох на тих виберанкох на другим месце лїстина „Ивица Дачич-Социялистична партия Сербиї (СПС), Єдинствена Сербия-Драґан Маркович Палма (ЄС), хтора достала 2 393 гласи, лєбо 11,12 одсто, а на трецим месце лїстина „Др Воїслав Шешель-Сербска радикална странка” зоз 2 040 гласами, цо 9,48 одсто.
Лїстина колациї коло ДС – „За праведну Сербию-Демократска странка (Нова, ДСГВ, ЗЗС)” достала 1 224 гласи, лєбо 5,69 одсто, а як и у цалей Сербиї, и у кулскей општини нєсподзиванє тих виберанкох лїстина „Досц було-Саша Радулович”, хтора ту на пиятим месце зоз 1 077 гласами, лєбо 5 одсто.
Лїстина „Борис Тадич, Чедомир Йованович-Союз за лєпшу Сербию-Либерално демократска партия, Социялдемократска странка” у кулскей општини достала 1 055 гласи – 4,90 одсто; лїстина „Союз войводянских Мадярох-Иштван Пастор” достала 882 гласи – 4,10 одсто, лїстина „Двери-Демократска странка Сербиї-Санда Рашкович Ивич-Бошко Обрадович” достала 746 гласи – 3,47 одсто, а лїстина „Русийска странка-Слободан Николич” 229 гласи, лєбо 1,06 одсто.
Шицки други 11 лїстини на виберанкох у кулскей општини достали гласи, алє процентуално спод 1 одсто.