КУЛА – У Кули нєшка почина Шести Младежски театрални фестивал Войводини, на хторим ше змагаю шейсц представи, медзи нїма и з Руского Керестура.
На Фестивалє участвую театрални младежски ансамбли з Кули, Панчева, Индїї, Печинцох, Падини и Руского Керестура.
Драмски студиї „АРТ” Дому култури Руски Керестур на Фестивалє нєшка на 20 г. виведзе представу Стивена Кинґа „Врацим ше по вашо души”, у режиї Владимира Надя Ачима.
Пред тим, на 18 г., Фестивал почнє з представу „Стилски вежби” Рея Куния, у режиї Биляни Байчетич, а у виводзеню домашнїх з Културного центру.
През три днї, на Младежским театралним фестивалє Войводини у сали Културного центру у Кули буду по два представи – на 18 и на 20 годзин.
Орґанизаторе Фестивалу Културно-просвитна заєднїца Општини Кула, Културни центер и Союз аматерох Войводини, а Фестивал финансийно потримую Општина Кула и Завод за културу Войводини.