РУСКИ КЕРЕСТУР – Месна заєднїца Руски Керестур на основи Статута и Одлуки Совиту МЗ розписала Оглашку за вибор секретара Месней заєднїци на штиророчни мандат. Оглашка од нєшка тирва 15 днї.
Попри общих условийох предвидзених зоз Законом, кандидат муши мац и найменєй штреднї ступень образованя, найменєй рок роботного искуства, активно знац руски язик и друге.
Оглашка виложена на огласней табли Месней заєднїци од нєшка, 28. новембра и у средствох информованя. Прияви треба принєсц особнє до єй просторийох, або послац по пошти на адресу Бориса Кидрича 60.
Оглашка ше розписує пре задзекованє предходного секретара, и законске виходзенє часу за окончователя тей длужносци.