РУСКИ КЕРЕСТУР – Дзепоєдни Керестурци пред тижньом почали ламац кукурицу, но велїм то ище вчас, як и одкупйовачом, котри аж од того тижня почали одкупйовац кукурицу. Од прешлого пиятку кукурицу одкупює лєм „Млїностеп” по 16 динари, а вчера и позавчером з одкупом почали „Жито Бачка” и „Юарбис”, хтори кукурици плаца по 15,5 динари за килограм.
Пре ище вше актуалну косидбу слунечнїку и сої, „Аґрохома” кукурицу почнє одкупйовац аж концом того тижня.
У „Млїностепу” гваря же лупану кукурицу дотераз одкупйовали од преважно вельких продуковательох, чий урожай 10,5 тони по гектару. Пре нїзку цену кукурици, меншим продуковательом ше нє понагля предавац, та велї кукурицу чуваю у чардакох по лєпшу цену.
Гоч ше у других обласцох у Сербиї кукурица нє удала, продукователє з Бачкей задовольни з тогорчним родом. Як Рутенпрес дознава од одкупйовачох, квалитет зарна добри, а влага коло 14 одсто, та ю нє треба окреме сушиц.