НОВИ САД – Предсидатель Лиґи социялдемократох Войводини Ненад Чанак вчера послал писмо предсидательови Влади Сербиї Александрови Вучичови, у хторим апелує же би ше зопарло гашенє Електровойводини, односно же би ше ю нє припоєло ґу Електродистрибуциї Беоґрад, цо би мало буц запровадзене 1. юлия.
– Розумиме потребу пременїц орґанизацию роботи и унапредзиц Електропривреду Сербиї, алє зме прешвечени же нє добре ришенє же би ше успишну Електровойводину припоєло ґу нєуспишней Електродистрибуциї – написал Чанак Вучичови и додал же Електровойводина ма одлични резултати роботи, а у одношеню на цали ЕПС, ма найменши утрати и найвекши добиток.