РУСКИ КЕРЕСТУР – З нагоди нащиви Святїйшого Оца папи Франциска Католїцкей заєднїци Републики Сиверней Македониї, орґанизує ше паломнїцтво з наших парохийох, котре започнє 6. мая у вечарших годзинох кед ше будзе рушац на драгу, а будзе тирвац и шлїдуюци дзень.
Служба Божа зоз папом ше отрима на 11 годзин, 7. мая, у Скопю. Плановане и стретнуце зоз младима и Богу пошвеценима особами, та и з єдну ґрупу худобних.
Нашо паломнїки останю ноцовац у Скопю и ютредзень нащивя знаменїтосци котри значни за Катедралу „Пресвятого шерца Исусового”, як и хижу памятнїк Мати Терези, а вец ше у вечарших годзинох руша назад.
Путованє кошта 60 евра, а контакт особа шестра Михаїла Воротняк СНМД зоз Коцура 064/213-1494.