РУСКИ КЕРЕСТУР – Почало приявйованє за участвованє на програми тогорочней Мултимедиялней манифестациї младих „Дньовка”, так же ше млади до 33 роки годни представиц зоз шпиваньом, граньом, танцом, та интерпретацию поезиї и прози.
Хто ше жада приявиц за участвованє на „Дньовки”, най напише поруку на Фейсбук бок „Дньовки”, лєбо на е-адресу dnjovka.rk@gmail.com
Тогорочна, 18. „Дньовка” найвироятнєйше будзе у першей половки новембра, а точни датум будзе обявени познєйше. Манифестацию орґанизую млади зоз Здруженя „Pact Ruthenorum”.