РУСКИ КЕРЕСТУР – Як уж традиция, на „Дньох керестурскей паприґи” додзелєни и вецей награди, та награду за найчежшу паприґу достал Иван Медєши, чия паприґа була чежка 435 ґрами. Медєши за награду достал диґиталну мажочку.
За найкрасши штанд жири вибрал штанд Мелеґовей фамелиї з Руского Керестура, аранжировани як герб Руснацох, а награда була вельки слункобран. За други найкрасши преглашени штанд Керестурца Янка Чижмара, котри презентовал грушку вилямовку и паприґу, док як треци преглашени штанд Хелени и Марини Хомових з Нового Саду, котри виладали ручни роботи на предметох зоз скла.
Награду за найкрасшу дзецинску маску у знаку паприґи од дзивчатох достала наймладша учашнїца Ванеса Няради, а од хлапцох Иван Планчак.
Вецей фотоґрафиї у окремней ґалериї на правим боку нашого сайту.
