НОВИ САД – Пондзелок, 3. октобра, з привитом нових студентох на новосадским Оддзелєню Економского факултету у Суботици, покраїнски секретар за високе образованє и наукововиглєдовацку дїялносц проф. др Зоран Милошевич службено преглашел початок нового академского 2016/17. року на Универзитету у Новим Садзе.
Як дознава Рутенпрес, Оддзелєнє за русинистику Филозофского факултету у Новим Садзе у новим академским року на першим року студийох ма двох нових студентох – з Руского Керестура и Нового Орахова.
Тих дньох будзе познате и цалосне число студентох на нашим Оддзелєню на основних и мастер студийох, а спрам терашнїх спознаньох, на основних студийох, вєдно з бруцошами их єст пецеро.