НОВИ САД – Драга на Булевару Европи од Руменацкей драги по автодрагу будзе отворена на ютре, а з тим би мал буц розтерховани транспорт у городзе и скрацена драга од Ветернику и Футоґу по Клису и автодрагу, преноши 021.
Роботи на драги закончени пред двома мешацами, а чекало ше комплетованє документациї и законченє технїчного приєму, виявел городоначалнїк Нового Саду Милош Вучевич.
Вибудов остатнєй часци Булевару Европу, од кружного цеку на углє з Руменацку улїцу ґу беґелю ДТД и автодраги почала ище 2012. року, а роботи пожнєли пре компликовани роботи на вибудови надвожняку прейґ гайзибанскей драги и мосту прейґ беґелю.
Роботи пожнєли и пре малверзациї з пенєжом. Як пише 021, управа Заводу за вибудов Городу давала пенєжи подприємству хторе мало окончовац роботи, а хтори воно нє робело. Познєйше претаргнути контракт, а тот случай тераз у поступку вишлїдзованя.