НОВИ САД – На новосадским СПЕНС-у на ютре од 10 до 15 годзин будзе отримани Саям обезпечованя роботи, на хторим буду участвовац 67 роботодавателє, а потребни им вєдно 423 роботнїки.
З Филияли Националней служби за обезпечованє роботи у Новим Садзе наявели же найвецей шлєбодни роботни места єст у економским, комерциялним, тарґовацким, правним, туристичним, погосцительним, машинским, електротехнїчним, будовательним, ґрафичним и медицинским фаху, алє же буду понукнути и роботи за други фахи.
Роботодавателє понукню и роботни места за особи з инвалидитетом, и то за профили: оператер на рахункару, ґрафични дизайнер, скравец, муляр, роботнїк у обезпеченю и за административно-кнїжководительного роботнїка.