РУСКИ КЕРЕСТУР – У керестурскей парохиї св. оца Миколая вирни ше пририхтую за преславйованє Крачуна, а на ютре Вилїя.
На Вилїю на 8 годзин у церкви будзе Служба Василия Велького, на 17 годзин пацери означа початок Вилїйовей вечери у домох вирних, а дзеци буду ходзиц по шпиваню и винчованю.
На 23 годзин у Катедралней церкви будзе Крачунске всеночне, на Перши дзень Крачуна, 25. децембра, на 10 годзин будзе Архиєрейска Служба Божа, а по Вечаршей Служби на 18 годзин будзе Крачунски концерт у Доме култури.