НОВИ САД – Ґаранцийни фонд Войводини преширел обсяг одоброваня ґаранцийох за реґистровани польопривредни ґаздовства и кредитох, та их тераз годно достац и за преширйованє матичного стада, дзвиганє овоцнїкох, лєбо винїцох, през набавку саднїцох и провадзацей опреми.
Директор Ґаранцийного фонду Ґоран Васич вчера на Польопривредним сайме подписал спорозуменє зоз пейцома банками, прейґ хторих польопривреднїки буду брац кредити. Як сообщене, Фонд будзе давац ґаранцию до 50 тисячи евра за длугорочни кредити за преширенє матичного стада, а до 30 тисячи евра за кредити за дзвиганє длугорочних файтох овоци, лєбо лози. Конкуровац можу шицки польопривреднїки зоз териториї Войводини котри маю реґистровани польопривредни ґаздовства.
З тей нагоди, покраїнски секретар за польопривреду, водопривреду и лєсарство Бранислав Боґарошки гварел же за розвой войводянскей польопривреди, прейґ фондох зоз хторима управя Автономна покраїна Войводина, пласоване вецей як 18 милиярди динари.