ДЮРДЬОВ – Општински штаб за позарядово ситуациї штварток отримал схадзку на котрей принєшени даскелї розкази, котрих ше шицки гражданє општини Жабель муша притримовац.
Нєдопущене зберанє вецей як дзешец особох на явних местох у завартим и отвореним просторе, а нєдопущене и орґанизованє вашарох и пияцох, як и орґанизация спортских змаганьох.
Нєдопущене зберанє на дзецинских бавилїщох, як и коло ушорених купалїщох.
Под час пребуваня на явним месце, медзи людзми муши буц достаточна оддалєносц од минимално єден и пол метера.
Ношенє защитних маскох обовязне и на отвореним и на местох дзе нєможлїве отримованє дистанци як цо у шорох у банки, пошти, апатики и подобне.
У општини Жабель ше каждодньово верши дезинфекция шицких явних поверхносцох опрез предавальньох, апатикох, Дома здравя. У тей акциї участвую добродзечни огньогасци зоз тей општини.
