СЕРБИЯ – Аж трецина декларацийох на поживових продуктох на тарґовищу у Сербиї ма даяку хибу, указало виглєдованє хторе запровадзела орґанизация ИХИС Нутриционизем. Найвецей нєодвитуюци ознаки у декларацийох маю хлєб и други пекарски продукти, та роба з ознаку „здрава пожива”, док найправилнєйши декларациї маю сладки и слани кондиторски продукти.
ИХИС Нутриционизем сообщел же найвецей приклади зводзеня трошительох нашли у катеґориї безалкоголних напойох, на хторих налїпени фалшиви ознаки о квалитету.
– Правилнїк о декларованю лєм у два одсто случайох дїйствовал на злєпшанє декларацийох на поживових продуктох. Медзитим, очиглядни його позитивни уплїв на тексти декларацийох, бо су тераз яснєйши, и на безпечносц у вибераню адекватних продуктох, цо окреме значне за трошительох котри маю проблеми з алерґенами – гварела директорка ИХИС Нутриционизма Даница Зарич.