РУСКИ КЕРЕСТУР – У рускокерестурским Доме култури нєшка, 1. новембра, на 18 годзин будзе схадзка Орґанизацийного одбору Културней манифестациї „Костельникова єшень” (КМ КЄ).
Як плановане, тогорочна, 23. КМ КЄ будзе отримана од 18. по 26. новембер у вецей наших местох, а орґанизатор Манифестациї Дом култури Руски Керестур.
Пред початком КЄ, орґанизатор нашо КУД и школи поволує же би найпознєйше по 8. новембер приявели своїх рецитаторох за участвованє на традицийней програми КЄ Стретнуце рецитаторох. Стретнуце будзе на соботу, 19. новембра, як и дотераз у Кули (у ОШ „Петефи бриґада), у сотруднїцтве з Руским КУД „Др Гавриїл Костельник”.
Рецитаторох мож приявиц у трох возростох (младшим, штреднїм и старшим) на е-адресу dk.kerestur@gmail.com, лебо на тел/факс; (025) 703-032, 703-357.