НОВИ САД/ДЮРДЬОВ – Нєшка, 28. децембра, Шпивацка ґрупа „Млада Лемковщина” наступи у Новим Садзе, а наютре, 29. децембра у Дюрдьове.
Шпивацка ґрупа на 18 годзин у церкви св. апостолох Петра и Павла у Новим Садзе одшпива русински/лемковски/українски коляди, а наютре пополадню буду пририхтовац традицийни русински/лемковски єдла з їх крайох у просторийох КУД „Тарас Шевченко” у Дюрдьове. После того буду обиходзиц обисца по Дюрдьове, винчовац Крачун и шпивац коляди. Провадзиц их будзе екипа Рускей редакциї РТВ.
Инициятиву за тото госцованє дали члени Роботного цела за медзинародни одношеня и традицию Националного совиту, КУД „Тарас Шевченко” з Дюрдьова и Союз Руснацох Українцох Сербиї на лемковских фестивалох у Польскей и України.