НОВИ САД – У просторийох Заводу за културу войводянских Руснацох будзе отримани Округли стол пошвецени осучаснєному правопису руского язика, а на нїм буду понукнути и електронски верзиї „Правописного словнїка руского язика“ и „Правописа руского язика“ хтори написал проф. др Михайло Фейса.
Пре епидемолоґийни обставни у сали можу присуствовац 10 заинтересовни фаховци, алє явна розправа будзе преношена и на Заводовим Фейсбук боку, а знїмок явней розправи будзе доступни и на його Ютюб-у.
Шицки заинтересовани свойо предклади, коментари и питаня у вязи зоз правописом руского язика мож послац на имейл адресу: mihajlo.fejsa@ff.uns.ac.rs.
Округли стол орґанизую Завод за културу войводянских Руснацох и Оддзелєнє за русинистику (у рамикох проєкта Русинистични виглєдованя як одвит на вимаганя диґиталней ери руководителя проф. др Михайла Фейси).