СЕРБИЯ – Пре звекшанє акцизох, од 1. януара 2017. року будзе драгша кафа, циґаретли, хемия до обисца, козметика, лакотки и дзепоєдни файти увозних алкоголних напойох, пише „Дневник”. Подрагшенє найбаржей почувствую конзументи циґаретлох, прето же их од Нового року буду плациц 5 до 7 динари вецей як тераз, а од юлия шлїдза ище векши акцизи на доган.
У Европскей униї минимална акциза 90 еври на 1 000 циґаретли, а у нас є 50 еври. По запланованим календаре, у периодзе од пейц роки акцизи на циґаретли ше будзе звекшовац кажди шейсц мешаци.
Оценєте же по конєц рока цена кафи будзе до 28 одсто векша, цо уплївує и на цену предаваня на мало. Пражальнї кафи уж звекшали цену за 10 динари, а ище нє познате яка будзе конєчна.
За хемию до обисца гражданє буду мушиц видвоїц два до три одсто вецей як дотераз.