БЕОҐРАД – Министер здравя Златибор Лончар наявел же ше од ютра, односно док ше сполня шицки потребни условия, прейдзе на нову методу у борби процив корона вируса цо подрозумює тестированє векшого числа людзох. За тоту стратеґию ше, як Лончар виявел, фах опредзелєл у консултациї зоз фаховцами зоз Китаю и на основи их искуства, преноши сайт Радио-телевизиї Войводини.
Министер розтолковал же шицки доми здрая буду мушиц обезпечиц по єден обєкт у хторим буду мац рендґен апарат и апарат за лабораторию за преверйованє кревовней слика.
Як гварел, шицки пациєнти хтори буду мушиц буц тестировани, буду одходзиц до домох здравя, а же епидемиолоґове буду одредзовац хто треба же би бул тестировани на таки способ.