НОВИ САД – На остатнєй схадзки Одсеку за русинистику Филозофского факултету у Новим Садзе, за шефа Одсеку вибрани проф. др Янко Рамач, понеже дотерашнї шеф, проф др. Юлиян Тамаш, од 1. октобра у пензиї. За заменїка шефа Одсеку вибрани проф. др Михайло Фейса.
На Одсеку за русинистику тераз робя шесцеро наставнїки – спомнути Рамач и Фейса, проф. др Стеван Константинович, висша лекторка мр Ксения Сеґеди, та асистенти мр Анамариа Рамач Фурман и ма Александар Мудри.
На перши рок студийох у школским 2015/16. року на Одсек за русинистику уписани пецеро, а нє штверо студенти, як Рутенпрес нєдавно информовал.