НОВИ САД – Шицки осем державни универзитети од тераз творя Заєднїцу державних универзитетох, зоз шедзиском у Новим Садзе, на чиїм чолє будзе ректор Универзитету у Новим Садзе проф.др Душан Николич, преноша нашо медиї.
На схадзки подписане и Спорозуменє о орґанизованю заєднїцких докторских студийох математики и о снованю докторскей школи на уровню Сербиї.
Спорозуменє подписали Универзитет у Нишу, Природно-математични факултет Универзитету у Нишу, Универзитет у Краґуєвцу и його Природно-математични факултет, Универзитет у Новим Садзе и Природно-математични факултет у його рамикох, Держевни Универзитет у Новим Пазару и Математични институт Сербскей академиї наукох и уметносцох.