ДЮРДЬОВ – У Културно-уметнїцким дружтве (КУД) „Тарас Шевченко” у Дюрдьове прешлого викенду отримани роботнї з декупаж технїку, хтори орґанизую млади зоз спомнутого дружтва.
Роботнї отримовани соботами и нєдзелями у новембру и децембру и як гварела орґанизаторка роботньох Оля Балїнт, млади креативци прилапели декупаж-технїку, а того року шицки учашнїки КУД-у подаровали предмети з древа котри прикрашовали на роботньох.
Найновши роботи буду виложени и на Литературним вечаре младих, хтори у КУД „Тарас Шевченко” будзе на соботу 17. децембра на 19 годзин.
Отримованє креативних роботньох софинансує Роботне цело за младеж Националного совиту Руснацох. Роботнї починаю вяри, а закончую вжиме з порядну роботню за старших и дзеци з тему крачунских шветох.