ДЮРДЬОВ – Всоботу, 30. юлия, на спортским полиґону у Дюрдьове отримана друга по шоре манифестация „Дюрдьов отвореного шерца“.
Вечар почал з наступом ґрупи „High Low”, хтора грала обробки странских рок-ґрупох, а потим наступела новосадска ґрупа „Амайлия“.
У Дюрдьове всоботу наступела и леґендарна „Рибля чорба“, хтору публика чекала з нєсцерпеньом, а Вицко, Миша, Джинжер и Никола, на чолє з Бором Дьордєвичом, направели добру атмосферу. На концу вечара наступел ди джей „Mthaza”.
По перших, нєурядових податкох, на „Дюрдьове отвореного шерца“ було коло два и пол тисячи нащивительох, а орґанизаторе визначую же мали добре сотруднїцтво з Општину Жабель, дзекуюци чиєй потримовки манифестация того року мала богатшу програму и була нащивенша.
