БАРДЕЙОВ (СЛОВАЦКА) – Прешлого тижня, 26. и 27. новембра, у Бардейове и Прешове у Словацкей отримани 44. Фестивал народней шпиванки „Маковицка струна”, хтори популаризує и чува богатство народних писньох Русинох-Українцох Словацкей. Фестивал орґанизую Союз Русинох-Українцох Словацкей Републики (СРУСР), город Бардейов, Прешовски самоуправни край и дзепоєдни орґанизациї и институциї култури з Бардейова.
Перши два концерти централней програми отримани 26. новембра у спортскей гали у Бардейове, а програму финалного вечару, на хторим участвовали 48 солисти, дуа и триа зоз 30 шпиванками, як побиднїки у шпиваню на седем реґионалних смотрох Прешовского и Кошицкого краю, отворел предсидатель Централней ради СРУСР Петро Сокол.
Медзи визначнима госцами на Фестивалу були и предсидатель Прешовского самоуправного краю и посланїк словацкого парламенту Петер Худїк, началнїк Бардейовского округу Мирослав Буйда, городоначалнїк Бардейова др Борис Ганущак, делеґациї Здруженя Лемкох Польскей и културних роботнїкох Закарпатскей обласци України, вецей посланїки словацкого парламенту, як и представителє явного и културного живота Словацкей и других европских державох.
На Фестивалє у Бардейове и Прешове була и делеґация Союзу Руснацох Українцох Сербиї, котру предводзел Деян Бобаль, а присуствовала и делеґация з Општини Шид, як и други особи.
OLYMPUS DIGITAL CAMERA