НОВИ САД – Округли стол з тему „Локални самоуправи и медийни закони – рок нулти” нєшка будзе отримани у Велькей сали Скупштини Войводини. На Округлим столє будзе слова о искуствох и моделох за розвой явного информованя на локалним уровню, а почнє на 11 годзин.
Наявене же о информованю на локалним уровню у шветле применьованя медийних законох, о дотерашнїх искуствох у софинансованю проєктох и позитивних искуствох у тим, як и о способох за унапредзенє информованя на локалним уровню буду бешедовац представителє Покраїнскей влади, Министерства култури и информованя Медийного оддзелєня ОЕБС-у, новинарских асоцияцийох и здруженьох з Войводини и Сербиї, та медийни аналитичаре и виглєдоваче.
На Округлим столє буду присуствовац и представителє Одбору за информованє Националного совиту Руснацох, як и дзепоєдних медийох котри и по руски информую на локалним уровню