ЖАБЕЛЬ – Општина Жабель у 2019/2020 школским року за шицких першокласнїкох обезпечи безплатни комплет учебнїкох.
– Шицким першокласнїком буду обезпечени учебнїки, а тиж и першокласнїки котри упишу наставу на руским язику достаню учебнїки на їх мацеринским язику. Першокласнїком чийо родичи за нїх доставаю дзецински додаток або першокласнїк треце дзецко Министерство обезпечує учебнїки алє нє цали комплет, прето им општина подарує гевти котри им буду хибиц. Жадама родичом розтерховац буджет, алє и обрадовац школярох котри започиню основне образованє – гварел член Општинскей ради Општини Жабель задлужени за образованє Лазар Чонкич.
Учебнїки навироятнєйше буду подзелєни першого наставного дня у школох, а Општина купи гевти учебнїки, односно учебнїки гевтих видавачох за котри ше колектив каждей ОШ окреме опредзелї.
О дарованю першокласнїкох поинформовани шицки директоре ОШ у Општини Жабель.