СЕРБИЯ – Штредня нето плаца у Сербиї у априлу була 45 605 динари, цо вецей як у марцу, алє менєй од плаци у априлу 2014. року, указую податки Републичного заводу за статистику.
Найвекши плаци маю заняти у Сурчину – 83 390 динари, потим у Новим Беоґрадзе – 76 040 динари. У Войводини плаци вше висши, цо ше найбаржей вяже за розвой сектору инфермацийних технолоґийох, та штредня плаца у Новим Садзе виноши 58 000 динари.
Векши плаци маю и заняти у Панчеве (49 935 динари), Печинцох (49 102 динари) и Апатинє (46 928 динари), а найменша плаца у Войводини у Алибунару – 29 082 динари.
Гоч плаци векши у одношеню на прешли рок, априлски заробок номинално 0,5 одсто, а реално 2,3 менши у одношеню на април 2014. року.
Кед ше анализує заробок по обласцох роботи, найменши плаци маю заняти у туристичних орґанизацийох, хтори достали 14 512 динари, як и заняти у текстилней индустриї, чия штредня плаца виношела 24 265 динари.