НОВИ САД – З нагоди одлуки о гашеню „Електровойвидини”, як єдного зоз штирох привредних дружтвох за продукцию струї хтори у Сербиї буду загашени и припоєни ґу Електродистрибуциї Беоґрад, Покраїнска вада вчера заключела же гашенє „Електровойводини” чкодлїва одлука за гражданох Войводини.
Покраїнска влада инсистує на витвореню заключеньох Скупштини АП Войводини од 14. децембра 2012. року, з хторима ше вимага же би „Електровойводина” затримала статус привредного дружтва и же би ше представителє покраїнских орґанох власци и Синдикалней орґанизациї „Електровойводини” уключели до роботи фахових тимох за реорґанизацию ЕПС, сообщенє вчера з Покраїнскей влади.
У сообщеню оценєте же „Електровойводина” компания од стратеґийного значеня за Войводину, та нєобходне же би затримала статус привредного дружтва пре обезпечованє квалитетного подмирйованя трошительох зоз струю, як и пре очуванє маєтку гражданох и привредних субєктох з териториї Войводини, з чийого пенєжу збудована инфраструктура.
Пре важносц того питаня, Покраїнска влада задлужела Покраїнски секретарият за енерґетику и минерални сировини же би виробел подробну инбформацию о реструктуованю Електропривре4ди Сербиї, а хтора вец будзе розпатрана на Скупштини АПВ.