БЕОҐРАД – У Сербиї 70 одсто гражданє потримую активносци держави на помоци миґрантом през обезпечованє поживи, води, змесценя, лїкох и безпечносци, обявела аґенция Фактор плус.
На питанє – Сербия вше баржей виложена приходу миґрантох зоз войнових подручох и других часцох швета, та як патрице на миґрантох з других народох и державох – 70 одсто заокружели одвит „Людзе у нєволї и треба им помогнуц на спомнути способи”.
Политични аналитичар Деян Вук Станкович гварел же питанє миґрантох єдно з найактуалнєйших у Сербиї и же указує же велька векшина гражданох патри з одоброваньом на активносци держави по питаню помоци миґрантом, за розлику од дзепоєдних других державох.
Вон додал же антиемиґрантске становиско евентуално резервоване за правоориєнтовани орґанизациї.