ШИД – Вчера у Шидзе отримана перша з осем планованих схадзкох Медзиопштинскей роботней ґрупи за защиту животного штредку и управянє з ризиками, а у рамикох витворйованя проєкту „Одвит на позарядову ситуацию – такой“. Основа проєкту защита од вилївох и реаґованє у случаю вилївох.
Слово о проєкту прейґгранїчного сотруднїцтва Сербиї и Босней и Герцеґовини (БиГ), хтори финансує Европска уния. У Сербиї ношитель проєкту Општина Шид, у БиГ Дистрикт Брчко, док партнере у проєкту Город Сримска Митровица и општина Брод у БиГ.
Цалосна вредносц проєкту 555 764 еври, а Општина Шид достанє 335 000 еври. Сама уклада 64 009 еври, дзе 19 800 у роботи занятих, а 44 209 еври у пенєжу.
Општина Шид достанє транспортни превозки, чамци и другу опрему, а Сримска Митровица достанє опрему у вредносци 85 000 еври.