ВЕРБАС – Министерство польопривреди и защити животного штредку Сербиї вчера подписало контракт о законченю вибудови главного колектору за преробок одрутних водох „Кула-Вербас”.
Як визначела державна секретарка спомнутого министерства Стана Божович, контракт ше одноши на законченє пиятей, остатнєй фази вибудови колектору, з чим будзе оможлївене приключованє Кули на главни колектор, а з тим и на централне построєнє за преоробк одрутних водох у Вербаше, хторе финансоване з предприступних средствох Европскей униї.
Тот контрак бул подписани ище 2010. року, а роботи претаргнути 2011. року. З новим контрактом предвидзене же роботи почню 14. априла, а буду закончен о 60 днї од подписованя контракту.
Секретарка визначела же контракт вредни 21 милион динари, а вкупна вредносц средствох хторе дотераз дало Министерство за вибудов пиятей фази з тоту суму будзе коло 106 милиони динари.
Вибудов Централного построєня за преробок одрутних водох у Вербаше финансує Европска уния з 12,2 милиони еври, плус коло 2,1 милиони еври за технїчну помоц за пририхтованє технїчней и тендерскей документациї.
На подручу општинох Кула и Вербас жию коло 86 500 тисячи жителє.
Пошвидко законченє главного колектору Кула-Вербас
