БЕОҐРАД – Плаци у явним секторе буду за пейц до седем одсто векши, а пензионере у наиходзацих тижньох можу обчековац помоц од 5 000, лєбо 6 000 динари, наявел вчера премиєр Сербиї Александар Вучич после прегваркох з Медзинародним монетарним фондом (ММФ).
Од 2017. року пензионере буду мац за 1,5 лєбо 1,7 одсто векши пензиї, а звекшовац ше их будзе у складзе зможлївосцами, гварел Вучич, а пренєсли нашо медиї.
Найвекше звекшанє плацох – шейсц, лєбо седем одсто, достаню заняти у просвити, док заробок здравствених роботнїкох, занятих у полициї, войску, социялних установох и у култури будзе векши за пейц одсто.
Плаци у явним секторе и пензиї у новембре 2014. рок зменшани за 10 одсто, пред подписованьом аранжманох з ММФ у фебруаре 2015. року. Од теди Влада Сербиї, у догварки з ММФ, запровадзує мири шпорованя и реформи и так зменшує буджетски дефицит и явне длуство.