НОВИ САД – Винчованки з нагоди Велькей ноци по юлиянским календаре вирним и патриярхови Иринейови и священству упутел предсидатель Покраїнскей влади Иґор Мирович.
–Шицким вирним, священству церквох и вирских заєднїцох котри тото швето преславюю по юлиянским календаре, винчуєм швето Христового воскресеня з наздаваньом же тото вельке швето препровадза у миру, злоги и любови зоз свою фамелию и найблїзшима. Най у тих шветочних дньох Велька ноц принєше радосц и надїю до лєпшей будучносци, збудованей на заєднїцтву, порозуменю и толеранциї, поручел у вельконоцней винчованки предсидатель Мирович.
Вельконоцни винчованки упутели и други представнїки покраїнскей и локалней власци.