КУЛА – Презентация програми „Таргнї ше за роботу”, хтора помага порушиванє малих и фамелийних подприємствох у Сербиї, на ютре, 9. децембра, будзе отримана у Малей сали Скупштини општини Кула на 14 годзин.
На презентациї можу присуствовац особи котри лєм планую порушац власни бизнис, лєбо котри уж маю реґистровану роботу, а сцу ю унапредзиц.
Програму „Таргнї ше за роботу” од 2009. року запровадзує нєвладова орґанизация „Енека” з Нишу, у сотруднїцтве з компанию „Филип Морис”, а през ню ше додзелює безповратни средства у висини 220 000 динари.
Конкурс за спомнути пенєж отворени 15. октобра, а тирва по 31. януар 2015. року.