КУЛА – Општинска рада Кула концом прешлого тижня прилапела Програму хаснованя буджетского фонду за защиту и унапредзенє животного штредку у кулскей општини за 2016. рок.
Приоритет у Програми ма виробок колектору (поцискуюцого воду) Червинка-Кула и добудов канализациї у тих двох местох, цо обовязка Општини Кула у партнерским проєкту з Општину Вербас за конєчне ришованє проблему заґадзеносци Велького бачкого беґелю.
За спомнуту намену з буджетского фонду за защиту животного штредку предвидзени скоро 465 милиони динари, дзе 300 милиони кредитне задлужованє, а 60 милиони динари плановане достац з висших уровньох власци.