ЖАБЕЛЬ – Пияток 14. октобра, коло маґистралней драги Нови Сад-Зренянин нєдалєко од Жаблю отримана добродзечна роботна акция з назву „Роботни дзень за природу”, на хторей попораєни простор пре охрану защиценого горского квитку, преноши портал Општини Жабель.
Тото место єдно з ридких бивальнїкох тей загроженей файти, а и з тоту акцию оможлївене єй дальше природне розвиванє.
Волонтерох на акциї нащивели и заменїк покраїнского секретара за урбанизем и защиту животного штредку Александар Андрич и предсидатель Општини Жабель Чедомир Божич, котри з тей нагоди гварели же значне очувац еко-систему, з акцентом на очуваню защицених и ридких файтох рошлїнох.
Акцию орґанизовали спомнути покраїнски секретарият, Покраїнского завод за защиту природи, Општина Жабель и ЯП „Национални парк Фрушка гора”, а попри волонтерох зоз спомнутих орґанизациїйох, участвовали и школяре з ОШ „Милош Црнянски” зоз Жаблю.