ШИД – Локална самоуправа Шиду розписала оглашку за лицитованє державней польопривредней жеми на рок, а понукнути 1 178 гектари, як и 82,8 гектари будуцей Индустрийней зони при Адашевцох, хтору ше за тераз ище водзи польопривредну жем.
Прияви треба подношиц на одвитуюцим формуларе по 13. фебруар до 12 годзин, а як и цалу оглашку, мож го найсц на сайту Општини Шид – www.sid.rs
За катастерски општини Адашевци, Бачинци, Батровци и Бинґула лицитованє будзе 17. фебруара на 9 годзин у сали Културно-образовного центру, а ютредзень за катастерску општину Ямена.
За катастерски општини Вашица, Ґибарец, Дїпша, Илинци, Куковци, Моловин, Морович, Привина Глава и Шид лицитованє будзе 19. фебруара.