БЕОҐРАД – Национална служба за обезпечованє роботи розписала явну поволанку за заровадзованє програми приправнїкох. Подприємства ше можу приявиц за дочасове аґажованє нєзанятих, под час хторого оспособя роботнїка за самостойну роботу у фаху и за покладанє приправнїцкого/фаховохо испиту.
Национална служба роботодавательом будзе рефундовац трошки за заробок, вєдно з порциями и доприносами за обовязне социялне осиґуранє приправнїкох. За полни роботни час приправнїка роботодавательом буду виплацени найвецей 28 400 динари.
За анґажованє приправнїкох котри закончели штредню школу, Национална служба будзе участвовац у финансованю до 6 мешаци, за приправнїкох з висшу школу до 9 мешаци, а за приправнїкох котри закончели минимално штири роки студийох – найвецей 12 мешаци.
Нєзаняти котри робели менєй од потребного часу за приправнїцки стаж, можу ше приключиц и робиц тельо часу кельо им потребне за здобуванє условия за покладанє приправнїцкого/фахового испиту.
Вецей информациї о явней поволанки мож опатриц на сайту Националней служби за обезпечованє роботи: www.nsz.gov.rs/live/digitalAssets/4/4589_javni_poziv_program_pripravnika_ipa__2012.pdf