ВЕРБАС – Совит Фестивалу поезиї младих у Вербаше розписал конкурс за младих поетох зоз Сербиї и реґиону за участвованє на штерацец седмей смотри талантованих поетох, хтора у будзе у остатнїм тижню у маю.
Право конкуровац за участвованє на Фестивалє поезиї маю поетове до 27 роки старосци з 10 нєобявенима писнями, написанима на сербским, лєбо на язику националней заєднїци – з прекладом на сербски.
Писнї у штирох прикладнїкох и подписани зоз шифру (з ришеньом шифри у окремней коверти), треба посилац найпознєйше по 1. април 2015. року на адресу: Народна библиотека „Данило Киш” Вербас, Фестивал поезиї младих, Маршала Тита 87, 21460 Вербас.
Учашнїкох вибере фахови жири, а найлєпши поетове буду и наградзени. Главна награда друкованє кнїжки, а най здогаднєме, прешлого року на Фестивалє победзела Тамара Хрин з Руского Керестура.