БЕОҐРАД/НОВИ САД – Радио-телевизия Сербиї (РТС) штварток сообщела же гражданом котри маю право на нєплаценє такси (150 динари) за РТС и Радио-телевизию Войводини (РТВ), а виплацели ю з рахунком за струю – пенєж будзе врацени.
По Законє о явних сервисох, хтори ше примєнює од 1. януара, предвидзене же од плаценя такси за медийни сервиси ошлєбодзени одредзени катеґориї гражданох, а вимоги за ошлєбодзованє од такси на териториї Войводини ше подноши до РТВ.
Як поведзене у сообщеню, тим котри ошлєбодзени од плаценя такси 150 динари буду врацени през винос на шлїдуюцих рахункох за потрошену струю.